Menu
Swisslinguists è ina rait da translaturas e translaturs ed interpretas ed interprets professiunals cun ina gronda experientscha pratica
Swisslinguists Language Services è ina rait da translaturas e translaturs ed interpretas ed interprets professiunals cun vastas experientschas sin tuts dus champs. Nus n’essan betg in’agentura, mabain ina gruppa da linguistas e linguists professiunals che collavuran per porscher translaziuns e servetschs d’interpretaziun d’auta qualitad. Nus lavurain principalmain en las quatter linguas naziunalas svizras, ma er en numerusas autras linguas.
La finamira da Swisslinguists – fundà dad interpretas ed interprets e translaturas e translaturs cun sedia en Svizra – è da porscher servetschs persunalisads d'auta qualitad orientads als basegns d'organisaziuns internaziunalas, NGOs, associaziuns, federaziuns internaziunalas sco era d'instituziuns finanzialas, legalas e statalas en Svizra ed a l'exteriur. Il fatg che nus n'essan betg in'agentura permetta a nus d'offrir pretschs da concurrenza, damai che Vus pajais sulettamain noss servetschs e naginas taxas d'agentura.
Swisslinguists s'engascha per la protecziun da l'ambient. Nus essan conscients da las sfidas finanzialas da bleras NGOs ed organisaziuns per la protecziun da l'ambient. Sche Vus lavurais per in'organisaziun da non-profit cun sedia en Svizra che sa deditgescha sulettamain a la protecziun da noss planet (recicladi, iniziativas verdas, protecziun dal guaud, promoziun d'ina agricultura persistenta, etc.), contactai nus per in'offerta speziala.
Swisslinguists sa quant impurtant ch'igl è da transmetter en pliras linguas il messadi d'organisaziuns per la protecziun da l'ambient. Nossa finamira è da gidar ellas ad intermediar lur messadi.
Swisslinguists lavura exclusivamain cun glieud da professiun qualifitgada che ha absolvì ina scola da translaziun da renum. Dapi il 2014 purschain nus servetschs da translaziun ad organisaziuns internaziunalas, NGOs ed interpresas privatas. Nossas translaturas e noss translaturs certifitgads han grondas experientschas specificas ed enconuschientschas linguisticas cumprovadas. Nus essan loschs da noss process da translaziun ch’includa ina revisiun e controlla da qualitad fitg stricta. Nossas translaturas e noss translaturs translateschan sulettamain en lur lingua materna e lavuran cun las pli novas tecnologias da translaziun. Nus tractain tut il material da nossa clientella a moda absolutamain confidenziala.
Vus avais gia scrit in document en la lingua giavischada, vulais però far la segira che Vus n’avais fatg nagins sbagls da scriver e ch’il text è adattà per Voss intents?
En quel cas è quest pass supplementar necessari. El è adattà per texts fitg differents sco per exempel simplas brevs, lavurs academicas, manuals, rapports cumplitgads u mintga text che duai vegnir publitgà.
Bleras persunas che prestan servetschs ed interpresas en Svizra han ina pagina-web monolingua tudestga, franzosa, taliana u rumantscha – in dischavantatg che impedescha da cuntanscher clientella potenziala en l’entir pajais. Cun la translaziun da Vossa pagina-web pledentais Vus glieud en tut las regiuns linguisticas da la Svizra.
Translatar texts sco rapports, manuals, rapports annuals u broschuras che cuntegnan maletgs, tabellas u graficas e mantegnair il layout original po esser fitg difficil. Tuttina sche Vus avais Voss agens designers u sche Vus vulais surlaschar a nus l’entira lavur da design e translaziun; nus essan pronts da porscher quest servetsch supplementar. Servetschs da Desktop publishing (DTP) èn in aspect impurtant da la translaziun, sch’il design sto vegnir resguardà. Differentas linguas ed auters bustabs pon chaschunar problems en connex cun las reglas da la separaziun da silbas, cun il layout da paginas en linguas sco arab u ebraic che vegnan scrittas da dretga a sanestra, cun la punctuaziun e cun la lunghezza dal text. Suenter che nus avain translatà Voss text en la lingua giavischada, pudain nus far quest pass supplementar. Cun noss team dad expertas ed experts da DTP dain nus l’ultima glimada al design ed al format da Voss text, uschia ch’el è adattà per la publicaziun online ed offline. Nus lavurain cun differents programs sco p.ex. MS Word e Publisher, PowerPoint, Excel, Adobe InDesign, Adobe Illustrator, Adobe FrameMaker, Adobe Photoshop, Adobe Captivate, Articulate Storyline, QuarkXPress e Corel Draw. Uschia pudain nus elavurar tut ils formats da partenza.
Mintgatant è dumandada ina “translaziun certifitgada” u ina “translaziun uffiziala” per intents legals u administrativs. Cun in bul sto la translatura u il translatur saramentà attestar ch’ella u el surpiglia la responsabladad per la correctadad da la translaziun. Ina translaziun autentifitgada u in document apostillà èn da l’autra vart autras pretensiuns legalas per legitimar documents (sche Vus avais dumondas en quel connex, dastgais Vus gugent contactar nus). Nus offrin translaziuns da translaturas e translaturs saramentads en tut las linguas naziunalas svizras sco er en arab, spagnol ed englais. Vus survegnis il PDF ed il document stampà original per posta.
If you are unfamiliar with multilingual events and how to recruit interpreters, contact us and we’ll help you find the right service to suit your needs. We offer the following interpreting services:
Nus essan ans spezialisads en l’interpretaziun simultana da conferenzas – la tecnica ideala per occurrenzas grondas cun numerus participants. Ils differents utensils e las tecnologias che nus duvrain pussibiliteschan a nus l’interpretaziun en blers conturns, p.ex. en stanzas da seduta mesaunas u gronds locals da dieta. Dapi l’entschatta da la pandemia purschain nus sin differentas plattafurmas online er interpretaziuns simultanas a distanza.
Servetschs d’interpretaziun consecutiva vegnan recumandads per inscunters en in pitschen rom, intervistas individualas, etc. Auter che per l’interpretaziun simultana n’è necessari nagin equipament spezial per l’interpretaziun consecutiva. Da l’autra vart pretenda l’interpretaziun consecutiva dapli temp, damai che la pledadra u il pledader sto adina puspè far pausa per che l’interpreta u l’interpret possia translatar il cuntegn.
En il sistem giuridic svizzer vegn duvrada savens l’interpretaziun giudiziala. Nus purschain interpretaziuns giudizialas professiunalas per persunas privatas ed advocats durant testimonianzas, audiziuns, cuntraversas giuridicas ed ulteriuras proceduras giuridicas. Plinavant offrin nus servetschs d’interpretaziun per nozzas civilas.
L’interpretaziun scutinada vegn per il solit duvrada per accumpagnar ina u sin il pli duas persunas che na discurran betg la lingua d’arriv. Ella è adattada bain per inscunters diplomatics, inspecziuns al lieu e visitas guidadas. L’interpreta u l’interpret accumpogna la clienta u il client e scutina il cuntegn en la lingua giavischada.
Malgrà che l’interpretaziun a distanza n’è betg nova, avain nus midà a l’entschatta da la pandemia a l’interpretaziun online. Quai ha pussibilità a nus da testar la gronda part da las plattafurmas disponiblas sin il martgà. Nus essan ans adattads spert a la nova moda da lavurar a distanza e pudain porscher interpretaziuns simultanas a distanza en differentas linguas sin las bleras plattafurmas online.
A chaschun d’occurrenzas pli grondas pon las interpretas ed ils interprets collavurar davent d’in center d’interpretaziun en nossas cabinas professiunalas usitadas, entant che las participantas ed ils participants sin l’entir mund sa collian online. Ans contactai per dapli infurmaziuns en connex cun las differentas opziuns d’interpretaziun a distanza e per chattar la soluziun che correspunda a Voss basegns.
Nus pudain offrir il suandant equipament:
Swisslinguists offra translaziuns e servetschs d'interpretaziun en numerusas linguas. Vesair qua las linguas che nus purschain.
If you are unfamiliar with multilingual events and how to recruit interpreters, contact us and we’ll help you find the right service to suit your needs. We specialize in the following sectors:
La gronda part da nossa lavur faschain nus per organisaziuns nunstatalas. Nus essan cumpetents en blers differents temas sco ils dretgs umans, temas da l’ambient, pasch e segirtad, dretgs da LGBTIQ, segirezza alimentara, industria da materia prima, commerzi gist ed auters. Cun offrir servetschs linguistics d’emprima qualitad sustegna Swisslinguists NGOs da cuntanscher lur finamiras.
Cunquai che nossa sedia è a Genevra, n’èsi nagina surpraisa che nossas linguistas e noss linguists èn fitg famigliars cun la lavur d’organisaziuns internaziunalas ed il sistem da l’ONU. Nus purschain noss servetschs durant occurrenzas grondas da l’ONU sco per exempel il Cussegl dals dretgs umans. La gronda part da nossas collavuraturas libras e da noss collavuraturs libers èn vegnids accreditads da las Naziuns Unidas cun ils examens da translaziun ed interpretaziun respectivs.
Nus offrin translaziuns medicinalas da manuals per apparats medicinals, texts farmaceutics e differents documents dal sectur da sanadad. Noss team da l’interpretaziun medicinala porscha servetschs excellents durant congress, conferenzas e simposis da medischina e da farmazia. Noss servetschs cumpiglian plinavant l’interpretaziun medicinala en ospitals e l’interpretaziun interculturala per migrants.
En Svizra crescha il basegn da translaturas e translaturs ed interpretas ed interprets giudizials cun ina savida giuridica fundada. Swisslinguists metta a disposiziun a sia clientella interpretas ed interprets qualifitgads accreditads da las autoritads giudizialas svizras che gidan en differentas situaziuns giuridicas, sco per exempel da mediaziuns e debattas giudizialas, e porscha translaziuns giuridicas professiunalas da testaments, documents, protocols da proceduras giudizialas, transcripziuns d’audiziuns ed actas.
La Svizra è in center internaziunal da la branscha da bancas e da finanzas. Nus avain in team d’interpretas ed interprets e da translaturas e translaturs spezialisads che porschan soluziuns multilinguas sin quest champ.
Nus sustegnain fermamain interpresas ed organisaziun che s’engaschan per la protecziun da l’ambient ed in’utilisaziun spargnusa da resursas natiralas. Nus essan conscients da lur sfidas e sustegnain ellas cun servetschs da qualitad per in pretsch spezial. Sut “Engaschament ecologic” chattais Vus dapli infurmaziuns en quel connex.
Ans contactai il meglier per e-mail. Nus respundain per ordinari entaifer in’ura. Ans tramettai p.pl. per dumondas da translaziuns Voss document per e-mail en in dals suandants formats: Word, Excel, PowerPoint, PDF, ZIP e RAR.
Vus pudais chargiar si Voss document qua en il formular da contact. La grondezza maximala per document importa 10 MB.